ဖြူးဆရာတော်ဘုရားကြီး၏ အန္တိမဈာပနအခမ်းအနား

ဖြူးဆရာတော်ဘုရားကြီး၏ အန္တိမဈာပနအခမ်းအနား...

ဖြူးဆရာတော်ဘုရားကြီးအား ပူဇော်သောအနေဖြင့် ယနေ့ည (၂၅-၁၁-၂၀၀၉)မှ စ၍ ငါးညတိုင်တိုင် တရားပွဲများကို ကျင်းပမည်ဖြစ်ပါသည်။ တစ်ညလျှင် ဆရာတော်နှစ်ပါးကျစီ တရားဟောကြမည်ဖြစ်ပါကြောင်း ဘုန်းဘုန်း ဦးအဂ္ဂဝရမှ မိန့်တော်မူပါသည်။

၂၅-၁၁-၂၀၀၉ - ပျဉ်းမနားဆရာတော် ဦးဇဋိလနှင့် ဆရာတော်ဦးသုမင်္ဂလ (ဒယ်အိုးဆရာတော်)

၂၆-၁၁-၂၀၀၉ - မြစ်သားဆရာတော်ဘဒ္ဒန္တဝါသဝနှင့် တိပိဋက စွန်းလွန်းဆရာတော်ဦးသုန္ဒရ

၂၇-၁၁-၂၀၀၉ - (၁၂)ဘွဲ့ရ ကျိ်ုက်ထိုဆရာတော် ဘဒ္ဒန္တနန္ဒောဘာသာဘိဝံသ နှင့်
ဓမ္မဒူတဆရာတော် အရှင်ဆေကိန္ဒ

၂၈-၁၁-၂၀၀၉ - ဒေါက်တာကောဝိဒ နှင့် ပဲနွယ်ကုန်းဆရာတော် ဦးစန္ဒာဝရ

၂၉-၁၁-၂၀၀၉ - ညောင်ကန်အေးဆရာတော် အရှင် ဣန္ဒက နှင့် ဝါးခင်းကုန်းဆရာတော် ဦးတိက္ခ

၃၀-၁၁-၂၀၀၉ - ယင်းနေ့တွင် အန္တိမဈာပနအခမ်းအနားကို နေ့လည် (၁၂)နာရီတိတိ အချိန်တွင် စတင်ကျင်းပ မည်ဖြစ်ပြီး၊ ဖြူးဆရာတော်ဘုရားကြီး၏ ထေရ်ဆရာ အရှင်များဖြစ်ကြသော မြတောင် ဆရာတော်ဘုရားကြီးနှင့် ပေါက်မြိုင် ဆရာတော်ဘုရားကြီးတို့မှ သီလပေးသြဝါဒချီးမြှင့်ပေးကြမည်ဖြစ်ပါသည်။
ထို့နောက် သီတဂူဆရာတော်ဘုရားကြီး အရှင်ဥာဏိဿရမှ ရေစက်သွန်းချ အမျှပေးဝေပြီးနောက်တွင် ဖြူးဆရာတော်ဘုရားကြီး၏ ရုပ်ကလပ်တော်ကို ဆရာတော်ဘုရားကြီးများနှင့် တပည့်သံဃာများ၊ အစိုးရအဖွဲ့ဝင် လူကြီးမင်းများ၊ ဂေါပကအဖွဲ့ဝင်လူကြီးများ၊ တပည့်ဒကာ ဒကာမများနှင့် ဖြူးဆရာတော်ဘုရားကြီး၏ ဆွေတော် မျိုးတော်များမှ အဖွဲ့သုံးဖွဲ့ ခွဲကာ မင်းခမ်းမင်းနားဖြင့် ရေဝေးသုဿန်သို့ ပင့်ဆောင် မီးသဂြိုလ်မည်ဖြစ်ပါသည်။

ဖြူးဆရာတော်ဘုရားကြီး၏ ကြွင်းကျန်ရစ်သော အရိုးပြာကို ဈာပနပွဲအပြီး တစ်ပတ်ခန့်အကြာတွင် ပဲခူးတိုင်း၊ ဖြူးမြို့နယ်ရှိ ဖြူးမဟာစည်သာသနာ့ရိပ်သာ မူလကျောင်းတိုက်သို့ မြို့နယ်သံဃာနာယကအဖွဲ့ဆရာတော်များ၊ တာဝန်ရှိလူကြီးမင်းများ၊ တပည့်သံဃာတော်များနှင့် ဒကာ ဒကာမများမှ ပင့်ဆောင်ကြမည်ဖြစ်ပြီး ရိပ်သာတွင် သုံးညတိုင်တိုင် တရားပွဲများ ဆက်လက်ကျင်းပမည်ဖြစ်ပါသည်။
ထို့နောက် ဖြူးဆရာတော်ဘုရားကြီး၏ ကြွင်းကျန်ရစ်သော အရိုးပြာကို ဖြူးချောင်းတွင် ရေမျှောပူဇော်မည်ဖြစ်ပါ ကြောင်းကို ကမ္ဘာတစ်ဝန်းတွင် ရောက်ရှိနေကြပါသော ဓမ္မမိတ်ဆွေ မြန်မာနိုင်ငံသားများအားလုံးသို့ စေတနာရှေ့ထား၍ အသိပေးကြေညာအပ်ပါသည်။

-------------------------------------------------------------------------------------------

ကျေးဇူးတော်ရှင် ဖြူးဆရာတော်ကြီးအား ရည်စူး၍ ကောင်းမှုကုသိုလ်ပြုလုပ်မည်။

၂၄-၁၁-၂၀၀၉ အင်္ဂါနေ့ နံနက် (၆)နာရီအချိန် မြန်မာနိုင်ငံ အာရှတော်ဝင်ဆေးကုခန်းတွင် ဘ၀နတ်ထံပျံလွန်တော်မူသော ကျေးဇူးတော်ရှင် နိုင်ငံကျော် ဓမ္မကထိက ဖြူးဆရာတော်ကြီးအား ရည်စူး၍ ဆရာတော်ကြီး၏ တပည့်ဒေါက်တာ ဥတ္တမသီရိ ဦးဆောင်မှုဖြင့် ဆရာတော်ကြီး၏တပည့်သာဝကများ ဓမ္မကျေးဇူးတင်ရှိဖူးသူများ စုပေါင်းကာ စင်္ကာပူနိုင်ငံ ဓာတ်တော်ကျောင်းတိုက်တွင် သံဃာတော်များအား နေ့ဆွမ်းဆက်ကပ်လှူဒါန်းပြီး ရေစက်ချ အမျှအတန်းပေးဝေ ကုသိုလ်ပြုမည် ဖြစ်ပါ၍ ဆရာတော်ကြိး၏ တပည့် ဒါယကာ ဒါယိကာမများနှင့် ဓမ္မကျေးဇူးရှိသူများ မည်သည်မဆို ကြွရောက်ကုသိုလ်ယူနိုင်ပါကြောင်း အသိပေးအပ်ပါသည်။

စပွန်ဆာ အလှူရှင်- ကိုရဲထွဋ်+မအေးသီတာ နှင့် ဆရာတော်ကြီး၏ တပည့် ဒကာ ဒကာမများ

နေ့ရက်- ၂၇-၁၁-၂၀၀၉၊ သောကြာနေ့
အချိန်- နံနက် ၁၀ နာရီမှ ၁၂ နာရီအထိ
နေရာ- ဓာတ်တော်ကျောင်းတိုက်
Lorong 4- Geylang- No-59
Near Kallang MRT
ဆက်သွယ်ရန်- +၆၅ ၈၃၁ ၉၈၀ ၄၂
ကလန်း MRT မှ ဘတ်စ်ကား ၃၂ ကိုစီးလာလျှင် နှစ်မှတ်တိုင်မြောက်တွင် ဆင်းရပါမည်။
........................................................................................................

ဲဖြူးဆရာတော်ဘုရားကြီး ပျံလွန်တော်မူခြင်း

နိုဝင်ဘာလ (၂၄)ရက် သတင်း။

ကျေးဇူးတော်ရှင် နိုင်ငံကျော်ဓမ္မကထိက ပြည်တွင်းပြည်ပသာသနာပြု ဖြူးဆရာတော်ဘုရားကြီး ဘဒ္ဒန္တနရပတိသည် အာရှတော်ဝင်ဆေးကုခန်းတွင် (၂၄-၁၁-၂၀၀၉) နံနက်(၇)နာရီ အချိန်တွင် ပျံလွန်တော်မူသွားပြီဖြစ်ပါ၍ ကြွင်းကျန်ရစ်သော ဆရာတော်ဘုရားကြီး၏ ရုပ်ကလပ်တော်အား (၃၀-၁၁-၂၀၀၉) ရက်နေ့တွင် မီးသဂြိုလ်မည်ဖြစ်ပါကြောင်းကို ရပ်ဝေးရပ်နီးမှ ဓမ္မမိတ်ဆွေအပေါင်းတို့အား ဝမ်းနည်းစွာ အသိပေးကြေညာအပ်ပါသည်။ အစီစဉ်အသေးစိတ်ကို ဆရာတော်ဦးအဂ္ဂဝရနှင့် ဆက်သွယ်၍ ဆက်လက် ဖေါ်ပြပေးသွားပါမည်။

ကြည်ညိုလေးစားခင်မင်ရပါသော ဆရာတော်အရှင်သူမြတ်များ၊ ဓမ္မမိတ်ဆွေများနှင့် ဓမ္မဘလော့ဂ်ဂါ ညီအကို မောင်နှမအပေါင်းတို့ (ဘုရား) ခင်ဗျား.....

ကျေးဇူးတော်ရှင် နိုင်ငံကျော်ဓမ္မကထိက ဖြူးဆရာတော်ဘုရားကြီး ရဲ့ သီလဂုဏ်၊ သမာဓိဂုဏ်၊ ပညာဂုဏ်တို့ နှင့် ဗုဒ္ဓသာသနာတော်အတွက် အားထုတ် ကြိုးပမ်းဆောင်ရွက်လုပ်ဆောင်ခဲ့မှုများကို အာရုံပြုကြည်ညိုနှလုံးသွင်း၍ အထက်ပါသတင်းစာသားကို ဓမ္မမိတ်ဆွေများ၏ ကိုယ်ပိုင် အင်တာနက်ဝက်ဘ်ဆိုဒ်များနှင့် အီးမေးလ်များမှတဆင့် ထပ်ဆင့် ဖြန့် ဖြူးဝေမျှပေးပါရန် လေးစားစွာဖြင့် မေတ္တာရပ်ခံ ပန်ကြားအပ်ပါတယ်ခင်ဗျား။
ှ
လေးစားစွာဖြင့်
ဝိမုတ္တိသုခ

.........................................
ကျေးဇူးတော်ရှင် နိုင်ငံကျော်ဓမ္မကထိက ဖြူးဆရာတော်ဘုရားကြီး ရဲ့ သီလဂုဏ်၊ သမာဓိဂုဏ်၊ ပညာဂုဏ်တို့ နှင့် ဗုဒ္ဓသာသနာတော်အတွက် အားထုတ် ကြိုးပမ်းဆောင်ရွက်လုပ်ဆောင်ခဲ့မှုများကို အာရုံပြုကြည်ညိုနှလုံးသွင်း၍
ဖြူးမဟာစည်ဆရာတော်ဘုရားကြီး၏ တရားဂုဏ်တော်ရှိပူဇော် တရားတော်မှ သံဝေဂလင်္ကာလေးဖြင့် ဆရာတော်ဘုရားကြီးအား ရှိခိုးပူဇော်လိုက်ပါသည်။ ( ဒီသံဝေဂလင်္ကာလေးကို ညီမလေးနှင်းဟေမာဘလော့ဂ်မှ ကူးယူဖော်ပြပေးခြင်းဖြစ်ပါတယ်ရှင်။)


မနေရလို့ သေကြသောအခါ ...
ကိုယ့်နောက်ကို ဘာများပါမှာ
ပစ္စည်းစုစု တစ်ခုမပါ ...
ဇနီးမယားနဲ့ သမီးသားမပါ
အိုးအိမ်များနဲ့ တိုက်ကားမပါ ...
ဆင်မြင်းများနဲ့ ကျွဲနွားမပါ
ဗန်းခုံလေးနဲ့ တောင်ဝှေးလည်းမပါ
ထီးဖိနပ်နဲ့ သပိတ်လည်းမပါ ...
သပိတ်ကြီးနဲ့ ထီးလည်းမပါ
ကိုယ်ပြုထားကံများ သူတို့ပါ ......။

-------------------------------------------------------

ဖြူးဆရာတော်ဘုရားကြီးရဲ့အန္တိမဈာပနအခမ်းအနားကို (၃၀.၁၁.၂၀၀၉)ရက်နေ့မှာ ဖြူး မြို့ တွင်ပြုလုပ်မည်ဖြစ်ကြောင်း သိရှိရပါတယ်ရှင်။

ဖြူးဆရာတော်ကြီးသည် နာမည်ကြီး ဓမ္မကထိက ဆရာတော်တပါးဖြစ်ပြီးတော့ ထေရ၀ါဒဗုဒ္ဓဘာသာ တရားစစ်စစ်ကို သိနိုင်ကြဖို့တနိုင်ငံလုံးကိုလှည့်လည်ဟောပြောခဲ့တဲ့ဆရာတော်တစ်ပါး ဖြစ်ပါတယ်ရှင်။ ဆရာတော်ကြီးရဲ့ နာမည်အကြီးဆုံးတရားကတော့ “ သွေးနဲ့ရေးတဲ့သာသနာ ”ဆိုတဲ့တရားတော်ပဲ ဖြစ်ပါသည်။ ကျွန်မလည်း နာယူခဲ့ဘူးပါတယ်။ ဆရာတော်ရဲ့ဟောကြားခဲ့တဲ့ “သွေးနဲ့ရေးတဲ့သာသနာ”အပါအ၀င် တရားတော်များကို ဒီလင့်ခ်ကလေးမှာ http://www.dhammadownload.com/Phu-SayaDaw-U-Narapati-mp3.htm နာယူနိင်ကြပါတယ်ရှင်။

ဖြူးဆရာတော်ကို စစ်ကိုင်းတိုင်း၊ ရေဦးမြို့နယ်၊ ပင်စိမ်းကင်းကျေးရွာတွင် အဘ ဦးဘလွင်၊ အမိ ဒေါ်ဒေါ်မေတို့မှ ၁၉၄၁ ခုနှစ်တွင် မွေးဖွားခဲ့ရာ ပျံလွန်တော်မူချိန်တွင် သက်တော် (၆၈) နှစ်၊ သိက္ခာတော် (၄၉) ၀ါ ရှိပြီဖြစ်သည်။

အားလုံးကိုလေးစားစွာဖြင့်

ဝါ၀ါခိုင်မင်း

ဝိမုတ္တိရသဘလော့ဂ်မှ ကူးယူးဖော်ပြပါသည်။

-------------------------------------------------

အားလုံးကိုလေးစားစွာဖြင့်.

ဝါ၀ါခိုင်မင်း

Collapse...

စိတ်ကူးများနဲ့ ကျွန်မ

မြန်မာပြည်ကိုပြန်ခါနီးပြီဆိုတော့ အခုတလော အတွေးတွေ အမျိုးစုံတွေးနေမိခဲ့ပါတယ်။မြန်မာပြည်ပြန်ရောက်ရင် စီးပွားရေးတစ်ခုခု ဖြစ်အောင်လုပ်ဖို့စဉ်းစားထားတာမို့ လုပ်ချင်နေတဲ့အလုပ်တွေကများသလို စိတ်ကူးတွေက အများကြီးပါပဲ။း)

မြန်မာပြည်ပြန်ရောက်ရင် ဦးဥာဏ်က အထူးကုဆေးခန်းကြီးတွေမှာဆေးခန်းထိုင်ပေးဘို့ ဆေးခန်းပိုင်ရှင်ဆရာတွေကအခုကတည်းက ဖိတ်ခေါ်ထားကြတာ ဆေးခန်း ၃ ၊ ၄ ခန်းရှိနေတာမို့ ဦးဥာဏ်ကတော့ အထူးကုဆေးခန်းတချို့မှာ အချိန်ပိုင်းဆေးခန်းထိုင်ပေးဘို့ စိတ်ကူးထားပါတယ်။အဲလိုဆိုတော့ ကျွန်မက အိမ်မှာပဲနေပြီး ယောကျာင်္းဝင်ငွေနဲ့ထိုင်စားနေမလားဆိုရင်“ နိုး ” လို့ပဲပြောမှာပါ။လောဘကြီးတယ်ပဲပြောပြော ကျွန်မလုပ်ချင်နေတဲ့ လုပ်ငန်းတွေ အလုပ်တွေက ကျွန်မစိတ်ကူးထဲမှာ အများကြီးပါပဲ။

ကျွန်မရဲ့စိတ်ကူးလေးတွေကတော့ မြန်မာပြည်ပြန်ရောက်ရင် အထူးကုဆေးခန်းကြီးတစ်ခု ဖွင့်ချင်ပေမယ့် ဆေးခန်းကြီးဖွင့်ဘို့ အရင်းအနှီးကျွန်မမှာမရှိပါဘူး။ဒါကြောင့် ကျွန်မတကယ်ဖွင့်ဖြစ်မှာကတော့ သွားဘက်ဆိုင်ရာအထူးကုဆေးခန်းလေး တစ်ခန်းပဲ အရင်ဖွင့်နိုင်မယ်ထင်ပါတယ်။ လွန်ခဲ့တဲ့ ၅ နှစ် ကျွန်မဒီကိုလာခါနီး ကျွန်မတို့ပိုင်တဲ့သွားဆေးခန်း ပစ္စည်းတွေကို သိန်းဆယ်ဂဏန်းနဲ့ ကျွန်မရောင်းခဲ့ပေမယ့် အခုကျွန်မတို့ပြန်ရင်တော့ အစစအရာရာ ဈေးတက်ကုန်လို့ သွားဆေးခန်းတစ်ခန်းရဲ့တန်ဘိုးက သိန်းရာချီဖြစ်နေလောက်ပါပြီ။ ဦးဥာဏ်က အထူးကုဆေးခန်းတွေမှာ အချိန်ပိုင်းဆေးခန်းထိုင် ၊ အားတဲ့အချိန်လေးမှာ ကျွန်မဦးစီးပြီးဖွင့်မယ့်သွားဆေးခန်းလေးမှာ အချိန်ပြည့်ဆေးခန်းထိုင်ပြီး ၊ဦးဥာဏ်မအားတဲ့ ကျန်တဲ့အချိန်တွေမှာတော့ တခြား သွားဆရာဝန် ၊ဆရာမလေးတွေကို အချိန်ပိုင်းဆေးခန်းထိုင်စေဘို့ စိတ်ကူးထားတာပါ။ဒါက ပထမဦးစားပေး စိတ်ကူးလေးပါပဲ။း)

နောက်စိတ်ကူးလေးတစ်ခုကတော့ မြန်မာပြည်ပြန်ရောက်ရင် ကော်ဖီဆိုင်ကောင်းကောင်းလေးတစ်ဆိုင် ဖွင့်ချင်နေပြန်ပါတယ်။မှန်လုံခန်းလေးနဲ့ ကော်ဖီဆိုင်သန့်သန့်လေးဖွင့်ပြီး breakfast အတွက် စားသောက်စရာ အစုံရတဲ့ ကော်ဖီဆိုင်လေးကိုဖွင့်ချင်တာပါ။ ကော်ဖီ ၊လဖက်ရည်ဆိုင်လေးတစ်ဆိုင်ဟာ မိတ်ဆွေရသွားပြီဆိုရင် ၀င်ငွေအရမ်းကောင်းကြောင်း ကျွန်မသိနေပါတယ်။ကျွန်မတို့ အိမ်ခန်းလေးကို လဖက်ရည်ဆိုင်စလုပ်ဖြစ်တဲ့ ဇနီးမောင်နှံ ၂ဦးက ငှားပြီးနေခဲ့ပါတယ်။သူတို့ဆိုင်လေးဟာ မိတ်ဆွေရပြီး မနက်ဆိုစည်ကားပါတယ်။ဒီလိုနဲ့ ကျွန်မတို့အိမ်ခန်းလေးကို ငှားနေတာ ၁ နှစ်ပြည့်ခါနီးလောက်မှာပဲ ကိုယ်ပိုင်တိုက်ခန်းလေးတစ်ခန်းသူတို့ဝယ်နိုင်သွားကြပါတယ်။ကိုယ်ပိုင်ဝင်ငွေလေးတွေကို စည်းစံနစ်ကျစွာနဲ့စုဆောင်းနိုင်လို့ သူတို့ အမြန်ဆုံးတိုက်ခန်းလေးတစ်ခန်းဝယ်နိုင်သွားကြတာပါ။အရင်ကတည်းက အစ်မ၀မ်းကွဲတွေက လဖက်ရည်ဆိုင်ဖွင့်ဘူးတာမို့ လဖက်ရည်ဆိုင်တစ်ဆိုင်ရဲ့ တစ်နေ့ဝင်ငွေကို အားကျဖွယ်ရရှိတယ်ဆိုတာ ကျွန်မသိနေခဲ့ပါတယ်။ဒါကြောင့်မို့ ကော်ဖီ ၊လဖက်ရည်ဆိုင်ကောင်းကောင်းလေး တစ်ဆိုင် ကျွန်မဖွင့်ချင်ပါတယ်။ဒါက ကျွန်မရဲ့ဒုတိယ စိတ်ကူးလေးပါရှင်။

ကျွန်မရဲ့ တတိယစိတ်ကူးလေးကတော့ ကျွန်မမြန်မာပြည်ပြန်ရောက်ရင် ဖက်ရှင်ဒီဇိုင်နာလုပ်ချင်ပြန်ပါတယ်။“စက်ချုပ်ကျွမ်းကျင်တဲ့ ညီမငယ် ၁၀ ဦးလောက်ကို အလိုရှိသည် ၊လစာကောင်းကောင်းပေးမည် ။”ဆိုပြီး ခေါ်ပြီးတော့ ကျွန်မက ဂျပန်မှာတွေ့လာခဲ့တဲ့ ဖက်ရှင်ဒီဇိုင်းတွေကို ဆွဲပါမယ်။ ဒီဇိုင်းစာအုပ်တွေလည်း ကျွန်မ၀ယ်ထားပါတယ်။စက်ချုပ်ဆိုင်သီးသန့်မဟုတ်ပဲ ဖက်ရှင်ဒီဇိုင်းလေးတွေထွင်ပြီး ကျွန်မရဲ့ကိုယ်ပိုင်တံဆိပ်နဲ့ ရယ်ဒီမိတ်အကျီတွေထုတ်ချင်ပါတယ်။ကျွန်မက ဖက်ရှင်ဒီဇိုင်နာလုပ်ငန်းကို အုပ်ချုပ်သူအဖြစ်ဆောင်ရွက်ပြီး ကျွမ်းကျင်သူတွေကို စေတနာထားပြီးစေခိုင်းလိုတဲ့ ဖက်ရှင်ဒီဇိုင်နာလုပ်ငန်းတစ်ခု တည်ထောင်ချင်ပါတယ်။နောက်ပြီးတော့ ဒီဖက်ရှင်ဒီဇိုင်နာလုပ်ငန်းနဲ့အတူတွဲပြီး ဖက်ရှင်ဆိုင်လှလှလေးတစ်ခု ဖန်တီးချင်ပါသေးတယ်။ဒီစိတ်ကူးလေးကိုလည်း မဖြစ်မနေအကောင်အထည်ဖော်ချင်နေမိပါတယ်။

နောက်ဆုံးတစ်ခုအနေနဲ့ကတော့ မြန်မာပြည်မှာ စားသောက်ဆိုင်တွေအောင်မြင်သွားရင် အရမ်းဝင်ငွေကောင်းပါတယ်။ကျွန်မမြန်မာပြည်မှာနေစဉ်တုန်းက မော်လမြိုင်ထမင်းဆိုင်ဖွင့်တဲ့ အစ်မတစ်ယောက်နဲ့တော်တော်ခင်ခဲ့ပါတယ်။သူက ဆိုင်စဖွင့်ကတည်းက အရင်းအနှီးမရှိလို့ ကျွန်မဆီမှာ အတိုးနဲ့ငွေချေးပြီးမှ ထမင်းဆိုင်တစ်ဆိုင်ဖွင့်ခဲ့တာပါ။သူ့ကို ကျွန်မကယုံကြည်လို့ ပစ္စည်းပေါင်လက်ခံယူမထားပဲ အတိုးသက်သက်နဲ့ ထမင်းဆိုင်တစ်ဆိုင်အတွက် အရင်းအနှီးချေးပေးခဲ့တာပါ။အဲတုန်းက သူက ကျွန်မကို ၁၀ကျပ်အတိုးပေးပါတယ်။ငွေ ၁၀ သိန်းချေးပေးရင် တစ်လကို ကျွန်မက အတိုးငွေ ၁ သိန်းရပါတယ်။သူက ကျွန်မကို လစဉ် တစ်လမှတစ်ခါငွေဆပ်တာမဟုတ်ပဲ နေ့စဉ်ထမင်းဆိုင်ရဲ့ဝင်ငွေရဲ့တစ်ဝက်လောက်ကို ကျွန်မကိုပြန်ပြန်ဆပ်ပြီး လကုန်မှစာရင်းပေါင်းတာပါ။သူက အဲတုန်းက တစ်ရက်ကို ကျွန်မကို တစ်သောင်း ၊ တစ်ရက်တလေ တစ်သောင်းခွဲ နှစ်သောင်း အဲလိုနေ့စဉ်သွင်းထားခဲ့ပါတယ်။လကုန်ရင် သူသွင်းတဲ့ငွေက ၃ သိန်းရှိသွားတယ်ဆိုရင် အတိုး ၁သိန်းနှုတ်ယူပြီး ၊ ကျန်တဲ့နှစ်သိန်းကို အရင်းငွေထဲကနေ နှုတ်လိုက်တော့ နောက်လအတွက် ချေးငွေ ၈ သိန်းပဲကျန်ပါတယ်။ အဲဒီလို သူ ကျွန်မထံမှ ပုံမှန်ချေးငွေတွေကို ပြန်ဆပ်နိုင်သလို သူရွှေဝယ်ချင်ရင်လည်း ကျွန်မ၀ယ်တဲ့ဆိုင်မှာပဲ ကျွန်မကိုအတူခေါ်ပြီးဝယ်ခဲ့တာမို့ သူ တစ်လကို ရွှေ ငါးမူးသားလောက်စုမိသလို ၊အကြွေးလည်းမှန်မှန်ဆပ်နိုင်ခဲ့တယ်။ ထမင်းဆိုင်ဆိုတော့ မိသားစုစားသောက်စရိတ်ပူစရာမလိုဘူးလေ။ကျွန်မမျက်စေ့ရှေ့မှာတင် သူတော်တော်လေး တိုးတက်လာခဲ့ပါတယ်။ ကျွန်မကိုလည်း အရမ်းကျေးဇူးတင်ပြီး သူ့ဆိုင်မှာ ထမင်းချိုင့်ဆွဲစားတဲ့ ကျွန်မတို့မိသားစုကို ဟင်းအမျိုးမျိုး အပိုထည့်ပေးတတ်ပြန်ပါတယ်။စားချင်တာမှန်သမျှကိုလည်း သတ်သတ်တကူးတက ချက်ကျွေးတတ်ပြန်ပါတယ်။ဒါပေမယ့် သူအတော်တော်လေးအဆင်ပြေပြီးနေချိန်မှာ သူဟာ မြန်မာပြည်မှာကျော်ကြားနေတဲ့လောင်းကစားတစ်ခုကို ၀ါသနာပါသွားပြီး ပစ္စည်းတွေ တစ်ခုပြီးတစ်ခုကုန်ပါတော့တယ်။ကျွန်မကထိန်းခဲ့ပေမယ့် မပေါက်တဲ့ချဲထီကို ပေါက်မလား ၊ ပေါက်လေမလားဆိုပြီး ဂဏန်းတွေနောက်လိုက်ပြီး လောင်းကစားလုပ်လိုက်တာ သူအခြေအနေတော်တော်ဆိုးသွားခဲ့တာပါ။ကျွန်မဒီကိုလာခါနီးကျတော့ သူကဆိုင်အတွက်ငွေထပ်ချေးပေမယ့် ကျွန်မထပ်မချေးပေးနိုင်ခဲ့ပါဘူး။ကျွန်မဒီရောက်ပြီးမှ ရပ်ကွက်ထဲကိုဖုန်းဆက်တော့ သူ့ဆိုင်လေးမရှိတော့ဘူးဆိုတာကို အရမ်းစိတ်မကောင်းစွာနဲ့ သိရှိလိုက်ရတာပါ။ စီးပွားရေးအဆင်ပြေနေရက်နဲ့ လောင်းကစားကဖျက်လေတော့ သူတို့မိသားစုဘ၀လေး အဆင်မပြေဖြစ်ရတာပါ။တကယ်တော့ ထမင်းဆိုင်လေးကလည်း တစ်နေ့တစ်နေ့ ၀င်ငွေတော်တော်လေးရပါတယ်။အဓိက ဟင်းချက်ကောင်းရမယ် ၊ ဆက်ဆံရေးကောင်းမွန်ရပါမယ်။စည်းစံနစ်တကျ စုဆောင်းနိုင်ရင် မြန်မာပြည်မှာ အတော်အသင့်ဝင်ငွေရှိနိုင်တဲ့ လုပ်ငန်းတစ်ခုပဲ ဖြစ်ပါတယ်။

ဒါတွေက အခုတလောကျွန်မတွေးဖြစ်နေတဲ့ ကျွန်မရဲ့စိတ်ကူးလေးတွေပါ။ဒီစိတ်ကူးတွေအကုန်လုံးကိုတော့ ကျွန်မအကောင်အထည်ဖော်နိုင်မှာမဟုတ်ပါဘူး။စိတ်ကူးတွေအကုန်လုံးကို အကောင်အထည်ဖော်နိုင်ဘို့ ကျွန်မမှာ အရင်းအနှီးလည်း မရှိပါဘူး။ ရှယ်ရာခေါ်ပါမယ်။း)))ရှယ်ရာပါဝင်ချင်တဲ့သူတွေ အခုကတည်းက ဆက်သွယ်ထားနိုင်ကြပါတယ်။ ဟတ်ဟတ်.. စတာနော်... ရှယ်ရာအလုပ်က ဘယ်အလုပ်မှ မကောင်းဘူးလို့ထင်တာပဲ.နောက်ဆုံးကျရင် အရမ်းရင်းနှီးတဲ့သူတွေတောင်မှ ငွေကြောင့်စိတ်ဝမ်းကွဲတတ်ကြတာမို့ ရှယ်ယာလုပ်ဖို့စိတ်ကူးကျွန်မမှာမရှိပါဘူး။ ဖြစ်နိုင်ရင် ကိုယ်နိုင်သလောက် ကိုယ်ပိုင်လုပ်ငန်းလေးတွေပဲ လုပ်ချင်ပါတယ်။

ကျွန်မရဲ့စိတ်ကူးလေးတွေကို ဝေမျှလိုက်ခြင်းသာဖြစ်ပါတယ်နော်..မြန်မာပြည်ပြန်ရောက်ရင် တပိုင်တနိုင် ကိုယ်နိုင်မယ်ထင်တဲ့ ကိုယ်ပိုင်လုပ်ငန်းလေးတွေကို တည်ထောင်ပြီး စီးပွားတိုးတက်အဆင်ပြေနိုင်ကြပါစေ။

----------------------------------------------------------------------------
အားလုံးကိုလေးစားခင်မင်ကျေးဇူးတင်လျှက်

ဝါ၀ါခိုင်မင်း

Collapse...

၂၃.၁၁.၂၀၀၉ တနင်္လာဆွမ်းပတ်အလှူ

ဦးဇင်း ဦးကောဝိဒ မှ အောက်ပါပို့စ်ကလေးကို မေးလ်နဲ့ပို့ပေးလာတဲ့အတွက် ပြန်လည်မျှဝေပေးလိုက်ပါတယ်ရှင်။ဦးဇင်း ဦးကောဝိဒ ရဲ့ဘလော့ဂ်မှာလည်း ပို့စ်တင်ထားပါတယ်ရှင်။ယနေ့ တနင်္လာဆွမ်းပတ် အလှူဓါတ်ပုံများကိုတော့ အနှိုင်းမဲ့ချမ်းသာဘလော့ဂ်လေးမှာ တင်ထားပေးပါတယ်ရှင်။

၂၃.၁၁.၂၀၀၉ နတ်တော်လဆန်း(၇)ရက်

အာရုဏ်ကြာဇံချက်အလှူရှင်

ဒေါက်တာမျိုးမင်းသန့်+ဒေါ်မေယမင်းသူ(ရန်ကုန်မြို့) ဒါယိကာမကြီးဒေါ်ဝါ၀ါခိုင်မင်း၏ ဆက်သွယ်မှု

နေ့ဆွမ်း

ဆွမ်း+ပဲ

ကိုဖြိုး+ကိုထက် (ရွှေအိမ်ဖြူတယ်လီဖုန်းရောင်းဝယ်ရေး)မန္တလေးမြို့။

နေ့ဆွမ်းဟင်း

ဝက်သား+ဂေါ်ရခါးသီး

သရက်ချဉ်

ငရုတ်သီးကြော်

(မ၀ါဝါခိုင်မင်း ၊ကိုရန်အောင်၊ရွာသာလေးဝိုင်တီယူ၊ဂျူလိုင်ဒရင်းတို့ဦးဆောင်သောတစ်နှစ်စာဆွမ်းအလှူရှင်များ
အဖွဲ့နှင့်ဦးအောင်ဖေအားရည်စူး၍ ဒေါ်နန်းသန္တာအောင်ကောင်းမှု ။ )

ဝေယျာဝစ္စကုသိုလ်ရှင်များ....

ဦးသုဇာတ ၊ဦးအာဒိစ္စ ၊ ဦးပညာသာမိ ၊ ဦးကေသ၀ ၊ ဦးသာသန

ဦးသုဇတ ကတော့ ညပိုင်းဆွမ်းချက်တဲ့နေရာမှာတာဝန်ယူပြီးဆောင်ရွက်ပေးပါတယ်။

၊ဦးအာဒိစ္စ ၊ ဦးပညာသာမိ တို့ကတော့ နံနက်အစော စားပွဲခုံများ ချခြင်း၊ ထိုင်ခုံများစီစဉ်ပေးခြင်း ၊ အာရုဏ် ကပ်ရာမှာ အစစအရာရာ ကြာဇံဟင်း လိုက်ထည့်ခြင်းများဆောင်ရွက်ကြပြီး ဦးကေသ၀ ၊ ဦးသာသန တို့ကတော့ နေ့ဆွမ်းလောင်းလှူရာမှာ ပါဝင်ကုသိုလ်ယူကြပါတယ်။

သီလရှင်ဝေယျာဝစ္စ ကုသိုလ်ရှင်များ

ဒေါ်ဝါယမီ ၊ ဒေါ်ဝိလာသီ ၊ မစရဏမဉ္စရီ တို့မှဟင်းချက်စဉ်များနှင့်နေ့ဆွမ်းလောင်းလှူရာတွင် ကုသိုလ်ယူကြပါတယ်။

ဒါယကာ၊ ဒါယိကာမ ကုသိုလ်ရှင်များကတော့

မောင်ဇော်ဇော်အောင်၊ မောင်ဇော်ထွေးဦး၊ မောင်ဂစ်တာ၊ မောင်ဇော်၊ မောင်ဝေ တို့ဖြစ်ကြပြီး

ဒေါ်ကြည်ဌေး၊နှင့်သမီး မပွေး၊ နှင့်ညီမ မငြိမ်းအိထွေး တို့ဖြစ်ကြပါတယ်။

နံနက် ၅နာရီခွဲမှာစတင် အာရုဏ်ကပ်လှူကြပါတယ်။ မနက်စောစော ရာသီဥတုအေးအေးမှာ ကြာဇံ့ချက်ကတော်တော်လေးအဆင်ပြေပါတယ်။ သံဃာတော်များတစ်ပါးကို နှစ်ပန်းကန်စီလောက်ဘုန်းပေးကြတယ်။ အ၀ဘုန်းပေးကြပါတယ်။ ဝေယျာဝစ္စများလည်းတက်တက်ကြွကြွ ဆောင်ရွက်ကြပါတယ်။ ဝေယျာဝစ္စ ဒါယကာ၊ ဒါယိကာမများကို နော်ဝေနိုင်ငံမှ အလှူရှင်တစ်ဦးမှ ပုဆိုး များ ထမီများ လှူပေးထားတော့ လာဆောင်ရွက်ကြတဲ့ဝေယျာဝစ္စများ လည်းမငြီးငွေ့တော့ပါဘူး။ ကြာဇံချက်ကတော်တော် ကောင်းတော့ ဗိုက်က ဆာဆာနဲ့ ရာသီဥတုက အေးအေး ကြာဇံကလည်းပူပူလေးဆိုတော့ဝေယျာဝစ္စ တွေအတွက်ကို မကျန်အောင်ဖြစ်သွားပါတယ်။ သံဃာအပါး ၃၀၀ လောက်ဘုန်းပေးကြပါတယ်။ ဦးဇင်းကြီးတွေကိုတော့ ကျောင်းထဲမှာစောင်ခင်းပြီးစားပွဲဝိုင်း တွေ ဌားပြီး ကပ်ပါတယ်။ စားပွဲဝိုင်း သုံးလုံးလောက် အလှူရှင်ရှိရင် ဌားရမ်းရတဲ့အခက်အခဲမရှိတော့ပါဘူး။

နေ့ဆွမ်းက တစ်ပါတ်မှာ တစ်ကြိမ်လောင်းတဲ့ ၀က်သားဆိုတော့ မငြီးငွေ့နိုင်ပါဘူး၊ သရက်ချဉ်သုတ်ပါ ထည့်ထားတော့ ဘုန်းပေးရတာမအီတော့ပါဘူး။ ပဲလေးနဲ့ ငရုတ်သီးကြော်လည်းပါတော့ တော်တော်အဆင်ပြေသွားတာပေါ့။ နေ့ဆွမ်း ကိုတော့ သံဃာ အပါး ၄၅၀ လောက် ကြွရောက် ၍ အလှူခံယူတော်မူကြပါတယ်။

အခုလိုဆွမ်းလောင်းအသင်းဖြစ်မြောက်အောင် စတင် အကောင်အထည်ဖော်နိုင်ရန်နှင့် နယ်သင်တန်း မျာဖွင့်လှစ်နိုင်အောင်ကူညီပေးခဲ့ကြသော ဦးဇင်းရဲ့ ကျေးဇူးရှင်များဆိုရင်လည်းမမှားပါဘူး။ အမည်မဖော်လိုသူ ကျေးဇူးရှင် အလှူရှင်များ နှင့် မ၀ါဝါခိုင်မင်း ကိုရန်အောင် ကိုပီကေ တို့ နှင့် ဦးဇင်းရဲ့ ဒါယကာများ ကိုဖြိုး နှင့် ကိုထက် အပါအ၀င် ကျောင်းအတွက် မီးစက်နှင် ရေကန်အတွက်အဆင်ပြေစေရန် ပံ့ပိုးပေးသော ဒါယိကာမကြီး ဒေါ်နန်းသန္တာအောင် နှင့် အခြားအလှူရှင်များအားလုံး ကို နေ့စဉ်ပဲ မေတ္တာပို့သလျှက်ရှိပါတယ်။ ယခုဆိုလျှင် သင်တန်းကိစ္စများ ၊ဆွမ်းလောင်းအသင်းနှင့် အခြားထောက်ပံ့ရေးအစီအစဉ်များကိုပါ တိုးချဲ့ ဆောင်ရွက်နိုင်ပြီဖြစ်ပါတယ်။ မြရတနာ ကျေးရွာအတွက် ရေတွင်းတူးအစီအစဉ်မှစ၍ ယခုဆိုလျှင် လျှပ်စစ်မီးရရှိရေး၊ စာကြည်တိုက် အပတ်စဉ် ဥပုသ်စောင့် သီလယူတရားနာရန် အစီအစဉ်များ တရားပွဲအစီအစဉ်များကိုပါ ဆောင်ရွက်လျှက်ရှိပါတယ်။

ဒီမနက် ဦးဇင်းရဲ့ကျေးဇူးရှင်များကို တယ်လီဖုန်းဖြင့် ဆက်သွယ်ပြီးအလှူရှင်ထည့်ဖို့ ခွင့်တောင်းခဲ့ပေမဲ့ ခွင့်မရခဲ့တဲ့အတွက် အမည်မဖော်လိုသူကျေးဇူးရှင်များ လို့ ရေးလိုက်ရပါတယ်။

ဦးကောဝိဒ

------------------------------------------------------------------------------

ဒီနေ့ပဲ ထိုင်ခုံအလှူငွေများ နဲ့ တစ်လလျှင် စင်္ကာပူဒေါ်လာ ၁၀ လစဉ်လှူဒါဏ်းသော U Jimmy Soe and Family မိသားစုရဲ့ ၃ လစာအလှူငွေ များကို ဦးဇင်းထံသို့ လွှဲအပ်လိုက်ပြီ ဖြစ်ပါတယ်ရှင်။အလှူငွေ လက်ခံရရှိပြီးကြောင်း ပြေစာတွေကို ကျွန်မလက်ခံရရှိတာနဲ့ ထိုင်ခုံအလှူများအတွက် အလှူငွေစာရင်းရှင်းတမ်းပို့စ်လေးကို တင်သွားပေးပါမယ်ရှင်။

အားလုံးကို ကျေးဇူးတင်စွာဖြင့်.

ဝါ၀ါခိုင်မင်း

Collapse...

ဂဏန်းဗေဒင် ( စံဇာဏီဘို)

Forward Mail မှ ဆရာစံဇာဏီဘို ရဲ့ ဂဏန်းဗေဒင်လေး လက်ခံရရှိခဲ့လို့ စာဖတ်သူများအားလုံးကို မျှဝေလိုက်ပါတယ်ရှင်။

ဗေဒင်ယုံတယ်တော့ မဟုတ်ပါဘူး။ မဖတ်ဖြစ်ခဲ့တဲ့ Forward mail တွေကို အပျင်းပြေ ဖွင့်ဖတ်ဖြစ်ရင်း ဒီဗေဒင်လေး ပို့စ်မတင်ရသေးလို့ စာဖတ်သူတွေလည်း အပျင်းပြေဖတ်ရလေအောင် တင်ပေးလိုက်ခြင်းဖြစ်ပါတယ်။

၁ ဂဏန်းသမားများ

မည်သည့်လတွင်မဆို ၁၊ ၁၀၊ ၁၉၊ ၂၈ ရက် မွေးသူများကို ၁ ဂဏန်းသမားများဟု ခေါ်သည်။ ၁ ဂဏန်းပိုင်ရှင်များက အချစ် မေတ္တာဟူသည် နှလုံးသားနှင့်ဦးနှောက် ပေါင်းစပ်ဆုံးဖြတ်ရသော အချင်းအရာဖြစ်သည်ဟု ယူဆကြသည်။ ဘ၀အဖေါ်ကို ရွေးချယ်သောအခါ ဦးနှောက်၏ ဆုံးဖြတ်ချက်ကို ထည့်သွင်းစဉ်းစားလေ့ရှိသည်။ မိမိအပေါ် နားလည်ခွင့်လွှတ်၍ ပံ့ပိုးကူညီခြင်းရှိသူကို ရွေးချယ်တတ်သည်။ ကံခေသည်မှာ အချစ်ဆုံးနှင့် ကွေကွင်းရတတ်ပြီး ချစ်သူကတစ်ယောက်၊ လက်ထပ်ရသူကတစ်ဦး ဖြစ်တတ်သည်။ အသက် ၁၆ မှ ၂၂ နှစ်ကြား မေတ္တာကံခေ၍ ၂၂ ကျော်မှ ရင့်ကျက်သော နှလုံးသားဖြင့် ခိုင်မြဲသော ချစ်ခြင်းမေတ္တာ ပိုင်ဆိုင်ခွင့်ရှိမည်။

၂ ဂဏန်းသမားများ

မည်သည့်လတွင်မဆို ၂၊ ၁၁၊ ၂၀၊ ၂၉ ရက် မွေးသူများကို ၂ ဂဏန်းသမားများဟုခေါ်သည်။ အချစ်နှင့်အမှန်းကြား နယ်နိမိတ်သည် မျဉ်းကြောင်းငယ်လေးမျှသာဖြစ်မည်။ ချစ်မိ၊ တွယ်တာ မိပြီဆိုက အရာရာပေးဆပ်တတ်ပြီး မုန်းပြီဆိုက လှည့် မကြည့်။ အလွန်ချစ်တတ်သလို အငြိုးအတေးကြီးတတ်သည်။ မေတ္တာတရားနှင့် ချစ်ခြင်းအပေါ် အလေးအနက်ထား၍ ဘ၀အဖေါ် ရွေးချယ်လင့်ကစား ဂုဏ်၊ ငွေကြေးတိုကို အဓိကထားသည်ဟု အများမှ အထင်လွဲခြင်းခံရတတ်သည်။ အသက် ၂၅ နှစ်မတိုင်မီ သူတစ်ပါး ကတိစကားများ အပေါ် ယုံစားမိ၍ စိတ်သောက ခံစားရတတ်သည်။ အချစ်ဦးနှင့် ဆုံဆည်းကိန်း မရှိသော်လည်း အချစ်ဆုံးသူနှင့်လက်တွဲရမည်။

၃ ဂဏန်းသမားများ

မည်သည့်လတွင်မဆို ၃၊ ၁၂၊ ၂၁၊ ၃၀ ရက် မွေးသူများကို ၂ ဂဏန်းသမား များဟုခေါ်သည်။ မျက်နှာပွင့်၍လူချစ်လူခင်ပေါများမည်။ ချစ်သူရည်းစား တစ်ဦးမကရှိမည်။ သူတစ်ပါး အပေါ် အနိုင်ယူ ဗိုလ်ကျရမှကျေနပ်သူများ ဖြစ်ပေရာ အချစ်စိတ်နှင့် ခံယူမူမှာ ဆိုးနွဲ့သမျှကို နားလည်ခွင့်လွှတ်သောသူ၊ အနိုင်ယူရမည့်သူကို ရွေးချယ်တတ်သည်။ နှလုံးသားကို ဦးစားပေး၍ ဆုံးဖြတ်ပြီးမှ မှားယွင်းသလို ပြန်ခံစားတတ်သည်။ နောက်ဆုံးတွင်ကား အရင်ဆုံး ချစ်သူအပေါ် စိတ်ပြန်လည်သွားမည်။ တစ်ဦးကို အသည်းနှလုံးပုံပေး၍ ချစ်တတ်သလို တစ်ပြိုင်တည်း အခြားသူတစ်ဦးအပေါ် ချစ်နိုင်စွမ်း ရှိသည်။ နှလုံးသားအပေါ် ဦးစားပေးလွန်းသူဖြစ်သည်။

၎ ဂဏန်းသမားများ

မည်သည့်လတွင်မဆို ၄၊ ၁၃၊ ၂၂၊ ၃၁ ရက်နေ့ မွေးသူများကို ၄ ကဏန်းသမားများဟုခေါ်သည်။ အစွဲအလမ်းကြီးခြင်း၊ တစ်ဖက်စွန်းကျလွန်းခြင်းကြောင့် နှလုံးသားရေးရာ စိတ်သောက ကြုံတတ်သည်။ ဂုဏ်အနိမ့်အမြင့် မတူသူများ အနက် နိမ့်ကျသူကို ဦးစားပေးရွေးချယ်၍ အလိုလိုက်အကြိုက်ဆောင်ကာ ဘ၀မြှင့်တင်ပေးကာမှ မိမိ၏အသည်းကို ခွဲသွားခြင်း ခံရတတ်သည်။ စိတ်လှုပ်ရှားမူနှင့် ဆန်းသစ်သော အတွေ့အကြုံများကို လိုလားသော နှလုံးသားကို ပိုင်ဆိုင်သည်။ သို့သော် ဦးနှောက်နှင့် နှလုံးသားအကြား အမြဲတွေဝေ ဒွိဟဖြစ်ကာ မေတ္တာရေးရာတွင် စိတ်ဓါတ်တက်လွယ်၊ ကျလွယ်သည်။ ဖြောင့်မှန်ရိုးသာ၍ မိမိကြောင့်တစ်ပါးသူ စိတ်ချမ်းမြေ့ အေးချမ်းရခြင်းကို လိုလားသူဖြစ်သည်။ ပေးဆပ် အနစ်နာ ခံသည်။

၅ ဂဏန်းသမားများ

မည်သည့်လတွင်မဆို ၅၊ ၁၄၊ ၂၃ ရက်မွေးသူများကို ၅ ဂဏန်းသမားများ ဟုခေါ်သည်။ တွေဝေ ဒွိဟဖြစ်တတ်သော သဘောသဘာဝရှိသော်လည်း စိတ်ဓါတ် အလွန်ခိုင်မြဲသည်။ အလွယ်တကူ ဆုံးဖြတ်ရွေးချယ်လေ့မရှိ။ မိမိအပေါ် တလေးတစားနှင့် တန်ဖိုးထားသူ၊ တစ်စုံတစ်ရာ အထောက်အကူပြု ပံ့ပိုးနိုင်သူကို ရွေးချယ်တတ်သည်။ အရွေးရခက်အောင် အခွင့်အရေးနှစ်မျိုး ကြုံလာပါက နှလုံးသား၏ တောင်းဆိုမူအပေါ် ရဲဝံ့ပြတ်သားစွာ အလေးပေးမည့်သူဖြစ်သည်။ မိမိနှင့် အသက် အရွယ်၊ ၀န်းကျင်ဇာတိ သဘာဝမတူ ကွာခြားသူများနှင့် မေတ္တာမျှတတ်သည်။ ချစ်သူနှင့် ခွဲခွာရလေ သံယောဇဉ် ပြင်းထန်လေဖြစ်သည်။ အလွန်စိတ်ကူးယဉ်ဆန်သော နှလုံးသားဖြစ်သည်။

၆ ဂဏန်း သမားများ

မည်သည့်လတွင်မဆို ၆၊ ၁၅၊ ၂၄ ရက်မွေးသူများကို ၆ ဂဏန်းသမားများဟု ခေါ်သည်။ သံယောဇဉ်ကြီး၍ခိုင်မာသော မေတ္တာတရားနှင့် မိမိက ချစ်ရသူအပေါ် အမြဲစိတ်ချမ်းသာအောင် ဖြည့်ဆည်းပေးရမည်ဟူသောအယူအဆရှိသည်။ ချစ်ခဲ၍ အချစ်မြဲသည်။ မိသားစု အသိုင်းအ၀ိုင်း မတူညီသူကို ရွေးချယ်၍ အားလုံးနှင့်ဆန့်ကျင်ရန် ၀န်မလေး။ အပျော်သဘော စိတ်ကစားခြင်းမရှိဘဲ သစ္စာ တရားရှိမှ အချစ်မေတ္တာသည် ပြီးပြည့်စုံသည်ဟု ယူဆထား သူဖြစ်သည်။ သို့သော် သူတစ်ပါးအပေါ် မိမိပေးဆပ်သလောက် ထပ်တူ ပြန်ကောင်းသူရရန် ခဲယဉ်းပေသည်။ အချစ်မေတ္တာထက် တစ်စတစ်စ ရစ်နွယ်လာသော သံယောဇဉ်ကို နှစ်သက်သူဖြစ်သည်။

၇ ဂဏန်းသမားများ

မည်သည့်လတွင်မဆို ၇၊ ၁၆၊ ၂၅ ရက်မွေးသူများကို ၇ ဂဏန်းသမားများဟု ခေါ်သည်။ အခိုင်အမာဆုံးဖြတ်၍ လေးလေးနက်နက် ချစ်တတ်သည့် အလွန်အေးချမ်းမြင့်မြတ်သော မေတ္တာပိုင်ရှင်ဖြစ်သည်။ တစ်ပါးသူအပေါ်လွန်လွန်ကဲကဲ စာနာနားလည်တတ်ည်။ အချစ်အတွက် အရာရာ ရင်ဆိုင်ဆန့်ကျင်တိုက်ခိုက်ရန် ၀န်မလေးသော်လည်း အချစ်ကိုဖွင့်ဟ ပြောဆိုရန် အလွန်ရှက်သဖြင့် မချစ်တတ်သောသူဟူ၍ အထင်မှားခံရတတ်သည်။ မိမိအား နားလည်မူရှိသူကိုဦးစားပေး ရွေးချယ်သင့်သည်။ အလွန်စန်းပွင့်သော်လည်း ချစ်သူများရန် ၀န်လေးသည် ဘ၀လမ်းကြောင်းတွင် မွေးရပ်၊ ဘာသာ၊ ဓလေ့ ထုံးစံမတူသူများနှင့် မေတ္တာမျှရတတ်သည်။

၈ ဂဏန်းသမားများ

မည်သည့်လတွင်မဆို ၈၊ ၁၇၊ ၂၆ ရက်မွေးသူများကို ၈ ဂဏန်းသမားများဟုခေါ်သည်။ အရာရာတွင် ထိန်းချုပ်နိုင်သောစိတ်ရှိသလောက် မေတ္တာတရားတွင် ထိန်းချုပ်နိုင်ခြင်းမရှိ။ ချစ်သူကို အလိုလိုက်လွန်း၊ ဦးစားပေးလွန်းသဖြင့် စိတ်သောက ခံစားရတတ်သည်။ ချစ်သူကိုအရာရာပြည့်စုံစေလိုသဖြင့် ပေးဆပ်တတ်သော သဘာဝကြောင့် မိမိနှလုံးသားကို ခုတုံးလုပ်ခြင်းမျိုးပင် ခံရတတ်သည်။ သီးသန့် အေးချမ်းစွာနေတတ်ပြီးမနာလိုဝန်တိုခြင်းကင်းသော ကြီးမြတ်သည့် နှလုံးသားအား ပိုင်ဆိုင်သည်။ မိမိကိုယ်မိမိ အထီးကျန်ဆန်ကာ အားငယ်နေတတ်သော ခံစားချက်ရှိသည်။ သူတစ်ပါး ပစ်ပယ်ထားသူကို စာနာစိတ်အပြည့်နှင့် မေတ္တာထားတတ်သည်။

၉ ဂဏန်းသမားများ

မည်သည့်လတွင်မဆို ၉၊ ၁၈၊ ၂၇ ရက်မွေးသူများကို ၉ ဂဏန်း သမားများဟုခေါ်သည်။ အလွန်အချစ်ခံလိုသည်။မိမိ အပေါ် အေးအေးချမ်းချမ်း သိမ်သိမ်မွေ့မွေ့ နူးညံ့စွာ အလေးပေးဆက်ဆံသူအား လိုလားသည်။ အချစ်အတွက် ဘာမဆို ပေးဆပ်ရဲသည်။ အလွန်မျက်နှာများ၍ ရည်းစားမှိုလိုပေါက်အောင် အပြိုင်ထားလင့်ကစား အိမ်ထောင်ရေးရာတွင် အချစ်ဆုံးနှင့် လွဲချော်၍ နီးစပ်မူအရှိဆုံးသူနှင့် ဆုံဆည်းရတတ်သည်။ မည်မျှဆိုးသော အိမ်ထောင်ဖက်ဖြစ်စေ အိမ်ထောင်တစ်ဆက်တည်းမြဲစေရန် အစဉ်ကြိုးပမ်းလေ့ရှိသည်။ အပြင်ပန်းအရ ကြမ်းတမ်းခက်ထန်သည်ဟုထင်ရ လင့်ကစား အတွင်းစိတ်နူးခံ့၍ အပေးသမားသာဖြစ်သည်။

မျှဝေပေးခြင်းသာဖြစ်ပါတယ်ရှင်။ မှန်၏ မမှန်၏ ကိုယ်တိုင်ပဲဆုံးဖြတ်ကြပါကုန်။ကျွန်မကတော့ ၅၀ % မှန်သလိုပဲ။ :D

ပျော်ရွှင်ချမ်းမြေ့ကြပါစေ။

ဝါ၀ါခိုင်မင်း

Collapse...

New Year 2010 အတွက် အမှတ်တရအစီအစဉ်

Welcome To 2010,

အခုတလော အရမ်းပျင်းနေပြီးတော့ ဟိုယောင်ယောင် ဒီယောင်ယောင်ဖြစ်နေလေရဲ့။အဲဒါကြောင့်မို့ ဘာလုပ်ရရင်ကောင်းမလဲလို့ တွေးမိပြီး အခုအစီအစဉ်လေးကို အကောင်အထည်ဖော်လိုက်ပါတယ်။ကျွန်မရဲ့ဘလော့ဂ်တစ်နှစ်ပြည့်မွေးနေ့ပို့စ်လေးမှာ 2010 New Year ည ကျရင် 2009 Happy New Year ကလိုပဲ မောင်နှမတွေပျော်ပါးစွာနဲ့ ဓါတ်ပုံဆလိုက်ရှိုးထပ်လုပ်မယ်လို့ ပြောခဲ့ပေမယ့် ဒီနှစ်အတွက်တော့ မောင်နှမတွေတော်တော်များများကလည်းတစ်ဦးနဲ့တစ်ဦး မြင်ဘူးနေကြတဲ့သူတွေဖြစ်နေကြပြီဆိုတော့ ဓါတ်ပုံဆလိုက်ရှိုးထပ်မလုပ်တော့ပါဘူးလို့ ဆုံးဖြတ်မိလိုက်တာမို့ နယူးရီးယားအတွက် ဘာအစီအစဉ်မှ မရှိတော့ပါဘူး။အဲလိုဆိုတော့လည်းနယူးရီးယားညမှာ ပျင်းစရာကောင်းလိမ့်မယ်ထင်ပါတယ်။ ကျွန်မ မြန်မာပြည်မပြန်ခင် မောင်ငယ် ညီမငယ်တွေကို အမှတ်တရအစီအစဉ်လေးတစ်ခုခု ထပ်လုပ်ပေးချင်မိပြန်တာကြောင့် ကိုလူထွေးရဲ့ အိုင်ဒီယာယူပြီး ကဗျာစာအုပ် E .Book ကလေးလုပ်ဖို့ စိတ်ကူးမိလိုက်ပါတယ်ရှင်။ :D

E.Book ဆိုလို့ ကျွန်မလုံးဝမလုပ်တတ်ပါ။ လုပ်တတ်တဲ့သူများ ကူညီပေးကြပါရန် ကြိုတင်မေတ္တာရပ်ခံပါတယ်နော်။လုပ်ချင်စိတ်ပဲ ရှိပါတယ်.မလုပ်တတ်ပါဘူး။ မောင်နှမတွေအတွက် အမှတ်တရလေး ဖြစ်စေချင်လို့ပါ။ E .Book လုပ်ပေးနိုင်မယ့်မောင်ငယ် ၊ညီမငယ်လေးများရှိရင် ဆက်သွယ်အကြောင်းကြားလာပေးပါနော်။ မဖြစ်နိုင်ခဲ့ရင်လည်း ကဗျာလေးတွေကိုပဲ အမှတ်တရ ဘလော့ဂ်မှာ တင်ထားပါမယ်ရှင်။

အစီအစဉ်လေးပြောပြမယ်နော်.အစီအစဉ်လေးကတော့ မောင်ငယ် ၊ညီမငယ်တွေအားလုံး ၊ အစ်ကို ၊အစ်မတွေပါမကျန်ပေါ့လေ. ကျွန်မကို ချစ်ခင်ကြသူမှန်သမျှ မိမိရဲ့ Nick Name လေးတွေကို ကဗျာလေးတွေ ရေးဖွဲ့ရပါမယ်ရှင်။ဥပမာ.. ကျွန်မရဲ့နာမည်ဆိုပါစို့...

“၀ါဝါခိုင်မင်း” နာမည်နဲ့ ကဗျာလေးကိုယ်တိုင်စပ်ပြီး ကိုလူထွေးရဲ့ ရသစုံလင် E .Book မှာသုံးဘို့ ပို့ပေးခဲ့တဲ့ ကဗျာလေးကိုပဲ တင်ပြခွင့်ပြုပါနော်.. မတူအောင် အမျိုးမျိုး ကဗျာပြန်စပ်ကြည့်ပါရဲ့..မရတော့လို့။တွေ့ပုချိပါ ကိုလူထွေးရေ...း)))

“ ၀ါဝါခိုင်မင်း ”

ဝါ သနာတူ မောင်နှမများနဲ့အတူ
ဝါ စိမ်းနီပြာ အရောင်စုံ E. Book မှာ
ခိုင် မြဲလက်တွေ တွဲယှက်လို့
မင်း မရှိတဲ့နေရာလေးမှာ ပျော်လိုက်မိတယ် မောင်။း))

အဲလိုမျိုးလေး.. ကိုယ့်ရဲ့ Nick Name လေးတွေကို တန်ဘိုးထားစွာနဲ့ ရေးဖွဲ့ရပါမယ်။ ဘလော့ဂ်ပိုင်တဲ့ မောင်နှမများအားလုံး မည်သူမဆို ၀ါသနာပါရင်ဖြင့် ပါဝင်နိုင်ကြပါတယ်ရှင်။အကောင်းဆုံး ကဗျာလေးကိုရွေးချယ်ပြီး ဒီတခါလည်း မီးပုံးပျံစပွန်ဇာ ပေးပါဦးမယ်။ ဟတ်ဟတ်.

လိုအပ်မှာကတော့ မိမိနာမည်လေးကို မြတ်နိုးတန်ဘိုးထားစွာနဲ့ရေးဖွဲ့ထားတဲ့ ကဗျာလေးတစ်ပုဒ်ရယ် ၊ ဓါတ်ပုံ ပိစိသေးသေးလေး တစ်ပုံစီရယ် ၊ မိမိရဲ့ဘလော့ဂ်လင့်ခ်ရယ်ကို ပူတွဲပို့ပေးဘို့ လိုအပ်ပါတယ်။ ကဗျာလေးနဲ့တွဲပြီး အမှတ်တရ ဓါတ်ပုံလေးတွေ တင်ပါမယ်။ ဓါတ်ပုံ မပို့ချင်တဲ့သူတွေကတော့ ကဗျာလေးပဲ ရေးပို့နိုင်ကြပါတယ်။ ကိုယ်တိုင်ခွင့်ပြုချက်ပါမှ ဓါတ်ပုံလေးတွေကို တင်ပေးပါမယ်နော်။မနှစ်တုန်းက ဓါတ်ပုံဆလိုက်ရှိုလုပ်ဖို့ ၁၀ လပိုင်းကတည်းက စကြေငြာဖြစ်ခဲ့တယ်။ အခုတော့ အခုမှ စိတ်ကူးရလို့ ထလုပ်တာဆိုတော့ အချိန်နည်းနည်းကပ်သွားပါတယ်။အဆင်ပြေနိုင်ကြမယ်လို့တော့ ထင်ပါတယ်။ တချို့ညီမလေးတွေကလည်း မမ၀ါက ၂၀၁၀မှာ ဓါတ်ပုံဆလိုက်ရှိုးထပ်လုပ်မယ်ပြောထားလို့ ဓါတ်ပုံလှလှလေးတွေ ရိုက်ထားကြတယ်တဲ့။း))

၂၀၁၀ New Yearည မှာ မောင်နှမတွေနဲ့ အမှတ်တရ အစီအစဉ်လေးဖြစ်အောင် စီစဉ်ရခြင်းဖြစ်ပါတယ်ရှင်။ကဗျာလေးတွေကို ဓါတ်ပုံလေးတွေနဲ့တွဲပြီး ၂၀၁၀ နယူးရီးယားည ဂျပန်အချိန်ည ၁၂ နာရီတိတိ (စင်္ကာပူအချိန် ည ၁၁ နာရီ ) မှာ “ ၂၀၁၀ ဘလော့ဂါမောင်နှမများ အမှတ်တရ” ဆိုပြီး ဒီဘလော့ဂ်လေးမှာ ပို့စ်တင်မှာ ဖြစ်သလို ၊ ကူညီမယ့်သူရှိပြီး အဆင်ပြေခဲ့ရင် E. Book ထုတ်ပါမယ်ရှင်။

ကဗျာ နဲ့ ဓါတ်ပုံလေးတွေကို ( နိုဝင်ဘာလ ၃၀ ရက်)နေ့ နောက်ဆုံးထားပြီး ပေးပို့ကြပါရန် ဖိတ်ခေါ်လိုက်ရပါတယ်ရှင်။ပေးပို့ရမယ့် မေးလ်အကောင့်ကတော့ yoonmeme2009@gmail.com ဖြစ်ပါတယ်။ nanwarwarmg account က အလှူအတွက်မေးလ်အ၀င် အထွက်တွေရှိတာမို့ “၂၀၁၀ ဘလော့ဂါမောင်နှမများအမှတ်တရ ”အတွက် yoonmeme2009@gmail.com ကိုဆက်သွယ်ပေးပို့ကြပါရန် ခင်မင်စွာနဲ့ ဖိတ်ခေါ်လိုက်ပါတယ်ရှင်။

လက်ခံရရှိပြီးသောကဗျာများစာရင်း..

၁.မေသူခိုင်
၂.ခရေညို
၃.ရီနိုမန်
၎.ရွာသားလေး(၀ိုင်တီယူ)
၅.မိုးကုတ်သား
၆.ကြည်ဖြူပိုင်
၇.ဗီလိန်

၈.ကျော်ညိုသွေး

( nanwarwarmg account ကို passward ပြောင်းပြီးသုံးနေပေမယ့်လည်း ဆက်လက် အဟက်ခံနေရပါတယ်ရှင်။မနေ့က ဦးဥာဏ် Golf ကွင်းသွားနေတုန်း Invisible ပြပြီး အွန်လိုင်းတက်နေတဲ့ ကျွန်မရဲ့အကောင့်က Busy sign ပြပြီး နီလာတာကြောင့် Currently using this account ကို သွားကြည့်လိုက်တော့ Someone using this account ဖြစ်နေပါတယ်။အလှူငွေ စာရင်းရှင်းတန်းတွေ တင်ပြီးရင် nanwarwarmg acc ကို delete လုပ်မည်ဖြစ်ပါသောကြောင့် မောင်နှမများအားလုံး yoonmeme2009@gmail.com သို့ ဆက်သွယ်နိုင်ကြပါတယ်ရှင်။ )

မောင်နှမများအားလုံး ပျော်ရွှင်ချမ်းမြေ့နိုင်ကြပါစေ။

ဝါ၀ါခိုင်မင်း

Collapse...