ရင်ဖွင့်ပြောဆိုခြင်း.

မင်္ဂလာအပေါင်းနဲ့ပြည့်စုံနိုင်ကြပါစေရှင်။
ဒီနေ့ စိတ်နည်းနည်းတိုနေပါတယ်၊မနက်ကတော့ ဒေါသလည်းတော်တော်ထွက်နေခဲ့တာပါ ။ ဒါပေမယ့် ဒေါသဆိုတာ မကောင်းတဲ့အရာဆိုတာ သိနေသလို ဒေါသဆိုတာ မကောင်းဘူး ၊ ဒေါသထွက်လာရင် အကောင်းမြင်ဝါဒကို လက်ကိုင်ထားနိုင်ကြပါစေလို့ ဒီနေရာလေးမှာ ကိုယ်တိုင်ပို့စ်လေးတင်ခဲ့ဘူးတာမို့ ထွက်နေတဲ့ ဒေါသတရားတွေကို မေတ္တာပွားရင်း ဖယ်ရှားလိုက်မိပါတယ်။ ဦးဥာဏ်ကလည်း အရမ်းကြီးဒေါသထွက်မနေဘို့ စိတ်အေးအေးထားဘို့ ပြောဆိုထိန်းသိမ်းပေးတာကြောင့် ကျွန်မစိတ်တွေ အများကြီးလျှော့ချလိုက်ရပါတယ်။

ကျွန်မ စိတ်တို ဒေါသဖြစ်နေခဲ့ပေမယ့် အသက်အရွယ်ကလည်းရလာပြီမို့ စိတ်တွေကို အတတ်နိုင်ဆုံးထိန်းနိုင်အောင်ကြိုးစားနေမိပါတယ်။ကျွန်မစိတ်တို
ရတဲ့အကြောင်းရင်းကတော့ ဒီနေ့မနက် ကျွန်မရဲ့ nanwarwarmg gmail account အဟက် (Hack)ခံရပါတယ်။ကျွန်မသတိထားမိနေခဲ့တာတော့ ကြာပါပြီ။ ဒါပေမယ့် ဒီ nanwarwarmg account က ဘလော့ဂါမောင်နှမတွေအတွက် ကျွန်မသီးသန့်လုပ်ထားတာဖြစ်ပါတယ်။ မဖြစ်နိုင်လောက်ပါဘူးရယ်လေ ၊ ကိုယ်ပဲ မျက်စိမှားတာဖြစ်မှာပါလို့စိတ်ထဲမှာတွေးပြီး ကျွန်မမေ့မေ့ပျောက်ပျောက်ပဲထားခဲ့ပါတယ်။တခါတလေ
ကျရင် ကျွန်မမဖွင့်ရသေးပဲနဲ့ အ၀င်မေးလ်တွေပွင့်နေတတ်တယ်။nanwarwarmg account passwardကို ဦးဥာဏ် နဲ့ ကျွန်မ ၂ ဦးပဲသိထားတာကြောင့် ကျွန်မက ဦးဥာဏ်ကို မေးလ်တွေဘာလို့ဖွင့်ဖတ်တာလဲလို့ စွတ်စွဲခဲ့ဘူးတယ်လေ။ ဦးဥာဏ်က သူမဖွင့်ကြောင်းပြောခဲ့တော့ ကျွန်မထူးဆန်းနေခဲ့တယ်။ ဒါပေမယ့် မေ့မေ့ပျောက်ပျောက်ထားခဲ့ပြီး ၂ ခါလောက်အဲလိုထူးခြားနေတာကြောင့် စိတ်ထဲမှာ သိတ်ဘ၀င်မကျခဲ့ပါဘူး။မလိုအပ်ဖူးထင်လို့ Passward ကိုလည်း မပြောင်းခဲ့ပါဘူး။ပြီးတော့ နောက်တစ်ခုက လွန်ခဲ့တဲ့ တစ်လလောက်ကတည်းက Facebook ကို ကျွန်မပတ်စ်ဝပ်နဲ့လုံးဝ ၀င်လို့မရခဲ့လို့ မ၀င်ဖြစ်ခဲ့တာ ၁လကျော်သွားခဲ့ပါပြီ။အဲဒီမှာလည်းစစ်လိုက်တော့ ပတ်စ်ဝပ် အဟက်(Hack )ခံရတယ်လို့ ပေါ်ပြန်ပါတယ်။ဟက်ချင်ရင်လည်း ဟက်လိုက်ကြတော့ ဖေ့စ်ဘုတ်လဲ မ၀င်တော့ဘူးဆိုပြီး နေလာခဲ့တာ ဒီနေ့အထိပါပဲ။ Facebook မှာ ကိုယ်မသိတဲ့သူတွေရော ၊ကိုယ်ရင်းနှီးခင်မင်နေတဲ့မောင်နှမတွေကရော နေ့တိုင်းလိုလို မေးလ်ဝင်ပြီး အင်ဗိုက်လာကြပေမယ့် ကျွန်မဖေ့စ်ဘုတ်ဝင်မရတော့ မတတ်နိုင်ခဲ့ပါဘူး။

ဒီနေ့မနက်ကျတော့ ထူးထူးခြားခြားပဲ ကျွန်မရဲ့အရေးကြီးတဲ့ အ၀င်မေးလ်တွေ အများကြီးပျောက်သွားခဲ့တယ်။အရေးကြီးဆိုတာက အလှူကိစ္စအတွက် ငွေလွှဲပြီးကြောင်းမေးလ်တွေ မနေ့က ဆက်တိုက်ဝင်ထားတာ အများကြီးပါပဲရှင်။ အဲဒါတွေလုံးဝမကျန်ပဲ မနေ့ကမေးလ်ဆိုလို့ ထူးထူးခြားခြားတစ်စောင်ပဲ ကျန်သလို ဒီမနက်ရောက်နေတဲ့မေးလ်တွေကို ဖွင့်ဖတ်ပြီး စာပြန်နေတုန်းမှာပဲ မေးလ်ပို့ပြီးတာနဲ့ ကြည့်လိုက်တော့ စောစောကတင်စစ်ထားခဲ့တဲ့ အ၀င်မေးလ်တွေ တစ်စောင်မှ မရှိတော့ပါဘူး။အဲဒါနဲ့ အရမ်းအံ့သြသွားပြီး ဦးဥာဏ်ကို ချက်ချင်းမေးလ်ပို့ပြီးစွတ်စွဲမိပြန်တာပေါ့။အဲဒီတော့ ဦးဥာဏ်က သူလုံးဝ မဖျက်ကြောင်း အရေးကြီးတဲ့မေးလ်တွေမှန်းသိနေတာပဲ ဘာလို့ဖျက်ရမှာလည်းလို့ ပြောလာတာနဲ့ ကျွန်မအရမ်းစိတ်တိုသွားခဲ့ပါတယ်။ သွားပြီ ငါ့အကောင့်တော့ အဟက်ခံရပြီလို့။

ဘယ်လိုလူတွေက ကျွန်မရဲ့ဂျီမေးလ်အကောင့်ကို ဟက်ကြတာပါလိမ့် ၊ ဘာသဘောနဲ့ သူများကိုယ်ရေးကိုယ်တာတွေကို စပ်စုလိုကြတာပါလိမ့် ၊ ကျွန်မ နိုင်ငံရေးလည်းမလုပ်သလို ၊ ဘယ်သူ့သြဇာခံမှလည်း မဟုတ်ပါဘူး။ ကိုယ့်ထမင်းကိုယ်ရှာစားပြီး ကိုယ့်မိသားစုဘ၀ကိုယ် ရပ်တည်နေတာပါ။Forward mail တွေလက်ခံရရင်တောင် ကျွန်မ ဖွင့်ဖတ်ဖြစ်တဲ့မေးလ်ရှားပါတယ်။တော်တော်စိတ်တိုသွားတယ်။ ဘယ်သူကများ ဒီလိုလုပ်တာပါလိမ့်ဆိုပြီး ဦးဥာဏ်ကို စစ်ခိုင်းတယ်။တစ်ယောက်ယောက်ဝင်ထားတာ သေခြာတယ် အိုင်ပီပါပေါ်တယ်ဆိုတော့ ကျွန်မ ဒေါသထွက်သွားတယ်။ညနေကျမှအိုင်ပီရော ၊နိုင်ငံရော ပို့စ်ရေးပြီးတင်မယ်လို့ စိတ်ကူးပြီး အလုပ်ကိုသွားခဲ့တယ်။ အလုပ်ထဲမှာလည်း ဘယ်သူကများ ဘာအကြောင်းကြောင့် သူများကိစ္စတွေကို ၀င်ရောက်စွက်ဖက်ချင်ရတာလည်းဆိုပြီး ဒေါသတွေနဲ့ တွေးနေခဲ့တာ လူလည်းမျက်နှာတော်တော်ပျက်နေတယ်ထင်ပါရဲ့။ကျွန်မရဲ့မိတ်ဆွေ ဂျပန်မလေးက“ ၀ါဝါစံဒီနေ့နေမကောင်းဘူးလား ”လို့အမေးခံရတယ်။ ဂျပန်မိတ်ဆွေကပြောလာတော့မှပဲ သြော် .ငါထွက်နေတဲ့ ဒေါသတွေ ဘယ်လောက်ပူလောင်နေလည်းမသိဘူး. တခြားသူတွေတောင်ရိတ်မိကုန်ပြီ ဆိုပြီး အလုပ်လုပ်နေရင်း ဘုရားစာရွတ်ပြီး မေတ္တာသုတ်ရွတ်နေလိုက်ပါတယ်။ညနေအလုပ်ပြီးတော့လည်း ဂျပန်မလေးတွေက“ ၀ါဝါစံ တစ်ခုခု အတူတူစားကြရအောင် ”ဆိုလို့ ဆိုင်မှာပဲ ဟန်ဘာဂါဝယ်ပြီး ရုံးခန်းထဲမှာ သူတို့တွေနဲ့ စိတ်ပြေလက်ပျောက် စကားတွေပြောဆိုရင်းနဲ့ ၀ိုင်းဖွဲ့စားသောက်ဖြစ်ခဲ့ကြတာ ၂နာရီ နီးပါးလောက်ကြာသွားခဲ့ပါတယ်။သူတို့က ကျွန်မကို ဂျပန်ဟင်းချက်နည်းတွေ ပြောပြသင်ပေးကြတယ်။ပြီးတော့ မြန်မာဟင်းချက်နည်းတွေအကြောင်းမေးကြတယ်။ ကျွန်မက သမီးလေးကြိုက်တဲ့ ဟန်ဘာဂုလုပ်နည်းကို သူတို့ကိုမေးတော့ သူတို့သေခြာရှင်းပြတာနဲ့ ဒီညနေသမီးလေးကို လုပ်ကျွေးမယ်လို့သူတို့ကိုပြန်ပြောတော့ သူတို့က စူပါမားကက်မှာ လိုအပ်တဲ့ပစ္စည်းတွေကို အတူလိုက်ဝယ်ပေးမယ်ဆိုပြီး အတူလိုက်ဝယ်ပေးခဲ့ကြတာမို့ ကျွန်မကလည်း သူတို့ကို အရမ်းကျေးဇူးတင်မိသွားပြီး “အရိဂတိုဂိုဇိုင်းမရှိတ ၊ အိုစဲဝါနိနရိမရှိတ” လို့ပြောပြီး လမ်းခွဲခဲ့ကြပါတယ်။

အိမ်ပြန်ရောက်တာနဲ့ ကွန်ပြူတာဖွင့်နေကျဖြစ်ပေမယ့် ကွန်ပြူတာကိုဥပက္ခာပြုလိုက်ပြီး ဟန်ဘာဂုကို ကိုယ်တိုင်လုပ်ဖို့ အရင်ပြင်ဆင်လိုက်ပါတယ်။စိတ်တွေကိုလည်း လျှော့ချထားလိုက်ပါတယ်။ဘာမှမဟုတ်တဲ့ ကိစ္စတွေအတွက် ဒေါသတွေမထွက်နေပါနဲ့တော့လို့ ကိုယ့်ကိုကိုယ်လည်း ဆုံးမနေမိပါတယ်။ဂျပန်မလေးတွေပြောပြတဲ့ နည်းအတိုင်း သမီးလေးကြိုက်တဲ့ ဟန်ဘာဂုလုပ်ပြီးတော့ သမီးလေးကိုညနေစာကျွေးတော့ သမီးလေးက
“မာမာအရိဂတို အိုအိရှိခတ်တရော ”ဆိုလို့ ၀မ်းသာသွားခဲ့ပါတယ်။ ကိုယ်တိုင်လုပ်တဲ့ ဟန်ဘာဂု အောင်မြင်သွားလို့လေ။း)))) အဲဒီတော့ ပျော်သွားတယ်..ဒေါသတွေကိုလည်း စမ်းရေထဲပဲမျောချလိုက်တော့တယ်။ အခုတော့ စိတ်အေးအေးပဲထားလိုက်ပါပြီ။ Hacker ကြီး ကျန်းမာ ၊ ချမ်းသာပျော်ရွှင်နိုင်ပါစေလို့ တကယ့်စေတနာနဲ့ ဆုတောင်းပေးလိုက်ပါတယ်။

ကျေးဇူးပြုပြီး တဆက်တည်းမှာပဲ ဒီပို့စ်လေးကိုဖတ်မိကြရင်ဖြင့် အလှူအတွက်လှူဒါဏ်းထားကြတဲ့ မောင်နှမများအားလုံး ငွေလွှဲပြီးကြပါက မေးလ်လေးများထပ်ပို့ပေးကြဘို့ မေတ္တာရပ်ခံရပါတယ်ရှင်။ အ၀င်မေးလ်တွေ အကုန်ပျောက်ကုန်လို့ မေတ္တာရပ်ခံရခြင်းဖြစ်ပါတယ်ရှင်။အောက်ဖက်ပို့စ်လေးမှာအလှူရှင်နာမည်တွေရဲ့နံဘေးမှာ (ငွေလွှဲပြီး)လို့ ကျွန်မရေးထားပြီးသားအလှူရှင်တွေကတော့ မေးလ်မပို့လည်းရပါတယ်ရှင်။ငွေလွှဲပြီး စာရင်း မပါဝင်သေးတဲ့အလှူရှင်တွေသာပဲ မေးလ်ထပ်ပို့ပေးကြပါမေတ္တာရပ်ခံအပ်ပါတယ်။

သမီးလေးအတွက် ညနေစာ

ဘာရယ်မဟုတ်ပါဘူးရှင်.စိတ်ထဲမှာ မကြည်မလင်ဖြစ်နေသေးတာ အမှန်မို့ စိတ်ထဲရှိနေတာတွေကို ချရေးလိုက်တာပါ။စိတ်ထဲပေါ့သွားမလားလို့လေ။း)
နားလည်ပေးနိုင်ကြပါစေကုန်သော်.း))))

အားလုံးကိုလေးစားခင်မင်စွာနဲ့

ဝါ၀ါခိုင်မင်း